News News

Back

የኢትዮጵያና ኩባ ፕሬዝዳንቶች በሁለትዮሽ ግንኙነቶቻቸው ዙሪያ ተወያዩ :: ጥር 3/2010

ጥር 3/2010 የኢትዮጵያና ኩባ ፕሬዝዳንቶች የሁለትዮሽ ግንኙነታቸውን ማሳደግ በሚችሉባቸው ጉዳዮች ዙሪያ በሀገሪቱ መዲና ሀቫና ተገናኝተው ውይይት አድርገዋል፡፡

ፖለቲካዊ ግንኙነታቸውንና የጋራ ትብብር መስኮቻቸውን ማሳደግ በሚችሉባቸው ጉዳዮች ላይ መስማማታቸውንም የሀገሪቱ የዜና ወኪል(ፕረንሳ ላቲና ) በድረገጹ አስነብቧል፡፡

የኢፌዴሪ ፕሬዝዳንት ዶክተር ሙላቱ ተሾመና የኩባው አቻቸው ራውል ካስትሮ በውይይታቸው በአዳዲስ የትብብር መስኮች ግንኙነታቸውን ለማሳደግ ፍላጎት እንዳላቸው አረጋግጠዋል፡፡ሀገራዊና ዓለም ዓቀፋዊ ጉዳዮችን አንስተው መወያየታቸውም በዘገባው ተመልክቷል፡፡

የኩባው ፕሬዝዳንት ለኢትዮጵያ አቻቸው የሞቀ አቀባበል ካደረጉላቸው በኋላ በተካሔደው ውይይት  የኢፌዴሪ ሳይንስና ቴክኖሎጂ ሚኒስትር ዶክተር ጌታሁን መኩሪያ፣ የጤና ጥበቃ ሚኒስትሩ ፕሮፌሰር ይፍሩ ብርሃንና ሌሎች የልዑክ ቡድኑ አባላት ተሳትፈዋል፡፡

በተያዘላቸው የጊዜ ሰሌዳ መሰረት ዶክተር ሙላቱ ከልዑክ ቡድናቸው ጋር  የተለያዩ የኩባ ግዛቶችን በመጎብኘት ላይ መሆናቸውም ታውቋል፡፡ Read more http://www.ena.gov.et

 


News Archive News Archive