News News

Back

ለሰዓታት የተስተጓጎለው የኢትዮጵያ አየር መንገድ የበረራ አገልግሎት መደበኛ ስራውን ጀመረ:: ሚያዝያ 9/2010

አዲስ አበባ ሚያዝያ 9/2010 በኢትዮጵያ ሲቪል አቪዬሽን ባለሥልጣንና በአየር ትራፊክ ተቆጣጣሪዎች አለመግባባት ለሰዓታት ተስተጓጉሎ የነበረው የኢትዮጵያ አየር መንገድ የበረራ አገልግሎት መደበኛ ስራ መጀመሩን የአቪዬሽኑ ባለስልጣን አስታወቀ።

የኢትዮጵያ አየር መንገድም ችግሩ ተፈትቶ የበረራ አገልገሎቱ መጀመሩንም አረጋግጧል።በአየር መንገዱ ከዛሬ ጠዋት ሶስት ሰዓት ጀምሮ በአቪዬሽን ስራ አመራር አባላትና በትራፊክ ተቆጣጣሪ ሰራተኞች በተፈጠረ አለመግባባት ወደ ተለያዩ አገሮች የሚደረጉ በረራዎች ተስተጓጉለው አርፍደዋል።

የኢትዮጵያ ሲቪል አቪዬሽን ባለስልጣን ዋና ዳይሬክተር ኮሎኔል ወሰንየለህ ሁነኛው ለኢትዮጵያ ዜና አገልግሎት እንደገለጹት፤ በአሁኑ ወቅት ችግሩ ተፈትቶ መደበኛ የበረራ አገልግሎቱ ተጀምሯል።ችግሩን የፈጠሩ ጥቂት ሰራተኞችን ከቦታው በማንሳት ሌሎች ስራውን እንዲያከናውኑ ተደርጓል።

ዋና ዳይሬክሩ  እንደገለጹት፤ ሰራተኞቹ ከዚህ በፊት የሚያነሷቸውን ጥያቄዎች ስራቸውን እየሰሩ ማቅረብ ሲገባቸው "የአለቃ ትዕዛዝ ባለመቀበል ለፈጠሩት መስተጓጎል ለጊዜው ከኃላፊነታቸው ተነስተዋል" ብለዋል።የኢትዮጵያ አየር መንገድም ከአቪዬሸን አመራር አባላት ጋር በመነጋገር የተስተጓጎለው አገልግሎት በመፈታቱ መደበኛ በረራ መቀጠሉን አረጋግጧል።

ለሰዓታት የተፈጠረው የበረራ መስተጓጎል ከአየር መንገዱ ለሚነሱ እንጂ ወደ ኢትዮጵያ የሚደረጉ በረራዎችን እንደማይጨምር አየር መንገዱ ገልጿል።

ምንጭ ፡ የኢትዮጵያ ዜና አገልግሎት

Average (0 Votes)


No comments yet. Be the first.