ዜና ዜና

National Consultation on Work place Accident in construction Sector

የሠራተኛና ማህበራዊ ጉዳይ ሚኒስቴር በኮንስትራክሽን ዘርፍ የሚደርሰውን የሥራ ላይ አደጋ ለመከላከል በሚያስችል የሙያ ደህንነትና ጤንነት ፖሊሲና ስትራቴጂ ረቂቅ ሠነድ ላይ የሚመክር ዐውደጥናት አዘጋጅቶ ከታህሣስ 25-26/2ዐዐ9 ዓ.ም. ባለድርሻ አካላትን አዲስ አበባ በሚገኘው አምባሳደር ሆቴል አወያይቷል፡፡ የምክክር ዐውደጥናቱን የከፈቱት ክብርት ወ/ሮ ወርቅነሽ ብሩ የሠራተኛና ማህበራዊ ጉዳይ ሚኒስቴር ሚኒስትር ዴኤታ እንደተናገሩት በኮንስትራክሽን ኢንዱስትሪው ውስጥ በበርካታ ሳይቶች የሥራ ሁኔታዎችና የአሠራር ሥርዓቶች ለአደጋ የተጋለጡ በመሆናቸውና የክትትልና የቁጥጥር ተግባር ውሱን በመሆኑ የሥራ ላይ አደጋዎችና የጤና ጉዳቶች በየጊዜው እየተከሰቱ የህይወትና የአካል ጉዳት በማስከተል ላይ ይገኛሉ ብለዋል፡፡

አያይዘውም የሥራ ላይ አደጋዎችን ለመከላከልና ለመቀነስ በሁለተኛው ዕድገትና ትራንስፎርሜሽን ዕቅድ ለያዝነው ግብ መሳካት በዋናነት ከኮንስትራክሽን ሚኒስቴር፣ ከዘርፉ ተዋናዮችና ባለድርሻ አካላት ጋር በመቀናጀት የተጠናከረ ምላሽ ለመስጠት የሚያሰችል የኮንስትራክሽን ዘርፍ የሙያ ደህንነትና ጤንነት አጠባበቅ ረቂቅ የፖሊሲ ሠነድ ተዘጋጅቶ ለውይይት መቅረቡን አስረድተው ረቂቅን ፖሊሲውን አበልፅጎና ወደተግባር አሸጋግሮ ሠራተኞችን ከሥራ ላይ አደጋና የጤና ጉዳት የመጠበቅ ግብ ወሣኝ NEWSመሆኑን አስምረውበታል፡፡

በዐውደ ጥናቱ ላይ የመንግሥት አስፈጻሚ አካላት፣ የአሠሪና ሠራተኛ ማህበራት አካላት፣ የኢትዮጵያ ሥራ ተቋራጮች ማህበርና የሚዲያ አካላት የተሳተፉ ሲሆን የፖሊሲውን ረቂቅ በሚያዳብር ደረጃ ምክክር አካሂደዋል፡፡ Read more http://www.molsa.gov.et